Qazeta.info Bakı 2015 birinci Avropa Oyunları Təşkilat Komitəsinə istinadla bildirir ki, Bakı 2015 ilk Avropa Oyunlarının dünən keçirilmiş qadınlar arasında voleybol üzrə təsnifat mərhələsinin növbəti görüşündə Türkiyə əldə etdiyi uğurlu nəticə ilə qalibiyyətə bir addım daha yaxınlaşıb. Rusiya isə mübarizəsində ilk qələbəsini qazanıb.

Bakı Kristal Zal 1-də baş tutmuş ilk görüşdə Türkiyə Belçikanı 3-0  xal hesabı ilə (25-16, 25-15, 25-18) məğlub edərək turnirin ikinci mərhələsinə vəsiqə qazanıb.

Türk yığmasının cinah oyunçusu Nəriman Özsoy bu mübarizədə 15 xal qazanan güclü voleybolçudur. Onun sözlərinə görə, oyunçular növbəti görüşə hazırlaşmaq üçün bugün 20:00-dan etibarən məşqlərə başlayacaq. Hədəfləri təsnifat mərhələsinin növbəti qələbəsinı qazanmaq olan voleybolçularun qalib olmaq üçün əllərindən gələni edəcəklərini bildirən Özsoy deyib:

Peşəkar idmançı olduğumuz üçün bu cür çətinliklərlə üzləşəcəyik. Qalibiyyət üçün kifayət qədər istəklisənsə, əldə edəcəksən. Yuxusuz qalacayıq, ancaq qalib olmaq üçün hər şeyi edəcəyik.-Nəriman Özsoy

Qadınlar arasında sözügedən komandalar arasında voleybol oyunu 76 dəqiqə davam edib və türklər 2013-cü il Avropa Çempionatı medalçıları ilə mübarizədə olduqca rahat olublar. İdmançı Özsoya görə, bu rahatlıq hissi, onun cinahda apardığı gərgin və sağlam mübarizəsindən irəli gəlib. Oyun çətin olsa da uğurlu nəticə verib və Türkiyə yığmasının növbəti hədəfi Rumınyanı məğlub etmək olacaq.

Günün voleybol üzrə final oyunu B qrupunda Rusiya və Xorvatiya arasında keçirilib. Hər iki komanda gərgin mübarizə aparıb. Xorvatiya ikinci setdə oyuna yaxşı başlayıb. Lakin davam edən qarşılaşmada, rusiyalı  Anastasiya Bavykina ilə rəqib yığmanın məşqçisi braziliyalı Anqelo Vercesi arasında mübahisə başlayıb və xoşagəlməz anlar xəbərdarlıqla bitib. 

Qadınlar arasında baş tutmuş voleybol yarışlarının 3-cü setində rus idmançı Dariya İsayevadan gələn növbəti zərbə qalibiyyətin möhürünü vurub. Beləliklə  Xorvatiya 3-0 hesabı ilə (25-22, 25-19, 25- 24) rəqibinə məğlub olub.

Bu qalibiyyətdən olduqca məyus olan Xorvatiya yığmasının məşqçısı Vercesi deyib ki, oyuna yaxşı başladıqları üçün əvvəlcə seviniblər. Lakin mübarizəni davam etdirməyə kifayət qədər gücləri çatmayıb və rəqib komandanın qalibiyyəti onların bu istəyini yox edib.

Qeyd edək ki, birinci Avropa Oyunlarında baş tutmuş qadınlar arasında voleybol yarışlarında günün əvvəlində İtaliya komandası ilə üz-üzə gələn Azərbaycan, A qrupunda növbəti qələbəsini qazanıb. Almaniya yığması isə Hollandiyanı məğlub etib. Polşa və Serbiya komandaları Almaniya ilə Hollandiyaya qarşı mübarizəsini məğlubiyyətlə bitirib.