Türk mühəndislər Türkiyə Silahlı Qüvvələri üçün "Samur" adlı yeni hərbi texnika hazırlayıblar.
Məlumata görə, yeni texnika ölkənin milli imkanları hesabına ərsəyə gəlib. "Samur" adlı hərbi texnika həm quruda, həm də dənizdə irəliləyərək əsgərlərin maneələri asanlıqla dəf etməsinə imkan yaradır.
Quruda yük maşınına bənzəyən 13 metrlik və 36 tonluq vasitə, bir dəqiqə ərzində çayda və ya dənizdə üzə biləcək vəziyyətə gətirilir. Bununla yanaşı, zirehli texnika digər hərbi texnikaların daşınması üçün də dəyişə bilir. "Samur" hərbi texnikası Türkiyə Silahlı Qüvvələrinin gücünü artırmaq və imkanlarını genişləndirmək üçün xüsusi rol oynayacaq.
Üzərinə aldığı yüklə suda irəliləyə bilən "Samur" müharibə zamanı maneələri asanca aşmağa, sürətli hərəkət etməyə imkan verir.
Ordunun zirehli vasitələrinin çaylarda keçə bilməyəcəyi dərinliklərdən rahatlıqla keçən bu texnikalar istənilən zaman bərə vəzifəsini də yerinə yetirə bilir.
View post on imgur.com
Türkiyə Silahlı Qüvvələrinin bazasına 2011-ci ildə daxil olan "Samur"da son texnologiyalardan istifadə edilib. Bu isə hərbi vasitənin daha az personal tərəfindən idarə olunmasına şərait yaradır. Eyni zamanda, mərkəzi şin sistemi sayəsində şin hava təzyiqini irəlilədiyi zəminə görə nizamlaya bilir. Kələ-kötür ərazilərdə avtomatik tənzimlənən texnika, avtomatik yanğın söndürmə sistemi ilə də təchiz olunub. /anspress/
View post on imgur.com
