Türkiyədə Silahlı Qüvvələrinin yeni Baş Qərargah rəisi məlum olub. ANS PRESS-in məlumatına görə, Yüksək Əsgəri Şuranın iclasında ordu generalı Hulusi Akar Baş Qərargah rəisi təyin edilib.
Hulusi Akar - Türkiyə Silahlı Qüvvələrinin yeni Baş Qərargah rəisi
Türkiyə Silahlı Qüvvələrində bir neçə təyinat da olub. Belə ki, Quru Qoşunları Komandanı Salih Zeki Çolak, Hava Hücumdan Müdafiə Qoşunları Komandanı Abidin Ünal, Jandarma Baş Komandanı Qalip Mendinin təyin eiləcək. Şuranın iclasında Dəniz Qoşunları Komandanı Bülənt Bostanoğlunun səlahiyyət müddətlərinin isə artırılacağı qərara alınıb.
Türkiyə prezidenti Rəcəb Tayyip Ərdoğan qərarı bu gün yerli vaxtla saat 12-də təsdiqləyəcək.
Hulus Akardan əvvəl Türkiyədə Silahlı Qüvvələrinin Baş Qərargah rəisi Ordu generalı Necdet Özel olub. O, təqaüdə çıxdığından yerinə Hulusi Akar təyin edilib.
Necdet Özel - Türkiyə Silahlı Qüvvələrinin keçmiş Baş Qərargah rəisi
