Tramp və Putin gələn həftə görüşə bilər
03.11.2017 702 0
ABŞ və Rusiya prezidentləri Donald Tramp və Vladimir Putin Asiya-Sakit Okean İqtisadi Əməkdaşlığı sammiti çərçivəsində görüşə bilərlər.
"RİA Novosti"yə istinadən verilən xəbərə görə, bu barədə Rusiya prezidentinin mətbuat xidmətinin rəhbəri Dmitri Peskov məlumat verib.
“Biz belə bir görüşün keçirilməsini istisna etmirik. Belə bir görüş həqiqətən razılaşdırılır. Qarşılıqlı razılaşma ilə bağlı nəticə məlum olduqda bu barədə məlumat verəcəyik” - deyə D. Peskov əlavə edib.
Qeyd edək ki, D. Tramp özü də V. Putinlə görüşə biləcəyini bildirib. Onun sözlərinə görə, görüşdə Şimali Koreya, Suriya və Ukrayna məsələlərinin müzakirəsi nəzərdə tutulur.
Qeyd edək ki, sammit noyabrın 6-11-də Vyetnamın Dananq şəhərində keçiriləcək. /apa/
Digər xəbərlər:
Bu gün xəbər əlavə olunmayıb.
Şərhlər