ABŞ Suriyadan olan xristian qaçqınları qəbul etməyə hazırdır.
Məlumata görə, bu barədə ABŞ prezidenti Donald Tramp CBN telekanalına verdiyi müsahibədə bildirib.
“Bundan əvvəl xristianlardan fərqli olaraq Suriyadan gələn müsəlman qaçqınlar rahatlıqla ABŞ buraxılırdı. Suriyada terrorçular tərəfindən ən çox zorakılığa məruz qalan isə məhz xristianlardır. ABŞ Suriyadan olan qaçqınların qəbulunda daha çox xristianlara üstünlük verəcək”, deyə D.Tramp bildirib.
Qeyd edək ki, bundan əvvəl ABŞ-a getmək istəyən 7 ölkə vətəndaşlarına (İran, İraq, Liviya, Somali, Sudan, Suriya və Yəmən) viza verilməsinin müvəqqəti olaraq dayandırılacağı bildirilirdi.
D.Tramp seçkiqabağı kampaniya zamanı immiqrasiya və qaçqın qəbulunu sərtləşdirməyə söz vermişdi./apa/
