Taleh Bağırovun daha bir adamı saxlanıldı-Foto
30.11.2015 567 0
Lənkəranda tanınmış dindar Elman Ağazadə saxlanılıb.
Məlumata görə, E.Ağazadə evindən polis əməkdaşları tərəfindən aparılıb.
Əldə etdiyimiz məlumata görə, E.Ağazadə Tale Bağırzadə və tərəfdarlarının saxlanıldığı gün Lənkəranda məsciddə olub. Polis onu da saxlamaq istəsə də, məsciddə olan dindarlar buna imkan verməyib.
E.Ağazadənin Tale Bağırzadə və Hacı Zülfüqarla yaxın münasibətləri və əlaqələri olub. Onun saxlanılma səbəbi kimi də bu əlaqələr göstərilir.
Onu da qeyd edək ki, E.Ağazadənin həbsinə etiraz edən bir qrup dindar Lənkəran Rayon Polis İdarəsinin qarşısına toplaşıb.
Qeyd edək ki, noyabrın 6-da Nardaranda dindarlarla polis arasında silahlı qarşıdurma baş vermişdi. Bu zaman 2 polis əməkdaşı və 5 dindar dünyasını dəyişmişdi. Tale Bağırzadə və tərəfdarları saxlanılıb./musavat.com/
Digər xəbərlər:
Bu gün xəbər əlavə olunmayıb.
Şərhlər