Ucar rayonu Bağman kənd sakini şəhid övladı Kərimov Sahib Sahib oğlu mətbuat vasitəsilə Azərbaycan Respublikasının Prezidentinə müraciət edib.
Qazeta.info-ya daxil olan məlumata görə həmin müraciətdə qeyd edilir ki;
" Bildirirəm ki, atam Kərimov Sahib Fərman oğlu Qarabağımızın azadlığı uğrunda gedən müharibədə Ağdamın rayonunun Malıbəyli kəndi istiqamətində gedən döyüşlər zamanı 23.04.1994-cü il tarixdə şəhid olmuşdur.Biz bununla fəxr edirik, vətən sağ olsun.Şəhid atamın üzünü görməmişəm, onun adını mənə qoyublar. Prezident cənab İlham Əliyevin xüsusi diqqət və qayğısı nəticəsində şəhid ailələri dövlət vəsaiti hesabına mənzillə təmin edilirlər.Evimiz yoxdur anamın atasının evində 11 nəfərlik ailə ilə birlikdə darısqal, acınacaqlı bir vəziyyətdə yaşayırıq.Buna görə də biz mənzil növbəsinə dayandıq.
Ucar rayon İcra Hakimiyyətində 01 iyul 2014-cü il tarixə mənzil növbəsində olan Azərbaycan Respublikasının ərazi bütövlüyünün, müstəqlilliyinin və Konstitusiya qurluşunun müdafiəsi zamanı əlil olmuş şəxslərin və şəhid ailələrinin siyahısında 13 -cü yerdə qeydə alınmışdıq.Növbəyə anam Kərimova Gülabatın Müseyib qızının adı qeydə alınmışdır.Ancaq bizə qrşı qanunsuzluq və saxtakarlıq edilmişdir.Çünki ev növbəsində siyahıda 13-cü yerdə olsaqda saxtakarlıq edib siyahıda 17-ci yerdə olan Ucar rayonu Bərgüşad kəndi sakini Nurməmmədov Şahin Nurməmməd oğluna (Red.2-ci qrup müharibə veteranı) mənzil tikilib istifadəsinə verilmişdir.Bunu bilib öyrəndikdə Şahin Nurməmmədov bizə bildirdi ki, buna görə məndən rüşvət alıblar.
Bildirirəm ki, Şahin Nurməmmədovun iki evi var ki, birini kirayəyə verib.Ancaq bizim evimiz olmadığı üçün 11 nəfərlik 3 ailə nənəmin evində darısqal acınacaqlı şəraitdə yaşayırıq.Bütün bu qanunsuzluğa görə məsulıiyyət Ucar rayon İcra Hakimiyyətinin şöbə müdiri Məhəmməd Bayramovun üzərinə düşür.Bu siyahını rüşvət alıb o saxtalaşdırıb.Xahiş edirəm Əmək və Əhalinin Sosial Müdafiə Nazirliyinin ev növbəsində dayananların siyahısı dərc edilmiş elektron versiyaya baxın.Bu açıq-aşkar korrupsiya cinayətidir ki, Əmək və Əhalinin Sosial Müdafiə Nazirliyinin vəzifəli şəxsləri ilə Ucar RİH-nin müavini Məhəmməd Bayramov rüşvət alıb ediblər.Şəhidin ruhuna hörmətsizlik edən bu korrupsioner məmurlar cəzalanmalıdırlar ki, digərlərinə dərs olsun.Mətbuat vasitəsi ilə də Prezident cənab İlham Əliyevə və Mehriban xanım Əliyevaya müraciət edib xahiş edirik korrupsiya əməlləri ilə şəhidin ruhuna hörmətsizlik edən cinayətkar məmurların barəsində qanunu tədbirlər görəsiniz."
Əlaqə telefonu; (051) 799-46-47
P.S.Qazeta.info bildirir ki, yazıda adı hallanan bütün tərəflərin fikirlərini dinləməyə hazırıq.
