Rusiyanın Həştərxan vilayətinin Xarabalinski rayonunun Aşuluk hərbi poliqonunun anbarında güclü yanğın baş verib. Məlumata görə, güclü partlayışlarla müşayiət olunan yanğın raket sürətləndirici qurğuların saxlandığı anbarda qeydə alınıb.
Hadisə yerinin yaxınlığından 600-ə yaxın insan evakuasiya olunub. Rəsmilərin verdiyi məlumata görə, səhər saatlarında başlayan yanğının qarşısı çətinliklə alınıb.
"Yanğın güclü partlayışlarla müşayiət olunub. Anbarda raket mühərrikləri avadanlıqları saxlanılıb. Partlayışa səbəb də məhz onların partlaması olub"- deyə FHN mətbuat xidmətindən bildirilib.
Hadisə nəticəsində xəsarət alan olmayıb.
2011 -ci ildə məhz Aşuluk poliqonunda baş verən partılayış nəticəsində 6 hərbçi həlak olub 12 nəfər yaralanıb. Hüquq-mühafizə orqanlarından bildirilib ki, partlayış köhnə hərbi sursatların zərərsizləşdirilməsi zamanı baş verib./anspress/
