ABŞ və Rusiya indi də Almaniyada üz-üzə gəlir. Birləşmiş Ştatların Almaniyada Xirosimaya atdığı nüvə silahından 4 dəfə böyük dağıdıcı gücə malik nüvə silahları yerləşdirməsi Rusiyanın etirazına səbəb olub.
Məlumata görə, Dimitri Peskov ABŞ-ın bu niyyətini şərh edərkən bildirib ki, “bu çox ciddi addımdır və Rusiyanın milli təhlükəsizliyinə bir təhdiddir.”
“ABŞ-ın Almaniyada 20 yeni nüvə başlığı yerləşdirməsi Avropada gərginliyi artıracaq, həmçinin strateji balansı pozacaq. Rusiya isə öz təhlükəsizliyini qorumaq üçün ABŞ-in bu addımına qarşılıq vermək məcburiətində qartacaq”,- deyə Peskov bildirib.
Almaniyanın “ZDF” televiziyası rəsmi Vaşinqtonun Almamiya ərazisində Rusiyaya qarşı Bundesvehr Fligerhorst Büchel (BFB) hərbi bazasında B61 nüvə silahlarını ən yeni başlıqlarla müasir standartlara uyğunlaşdıracaq. Televiziyanın məlumatına görə bu tip nüvə başlıqları Türkiyə ərazisində də yerləşdirilib.
B61 nüvə bombası
Hərbi mənbələrdən “İnterfaks” agentliyinə verilən məlumata görə, Rusiya artıq ABŞ-ın bu addımına cavab hazırlayır. Məlumata görə, Rusiya Avropada yerləşən şəhəri Kallenqrada İsgəndər-M roket kompleksi yerləşdirəcək.
İsgəndər-M roket kompleksi
Son dövürlər Rusiya ilə ABŞ arasında gərginlik daha da artıb. Bu isə həm dünya iqtisadiyyatına, həm də yeni münaqişələrin yaranmasına səbəb olur.
Hər iki ölkə dəfələrlə nüvə müharibəsinin astanasından qayıdıb. Suriyada, İraqda, Əfqanıstanda və Ukraynada üz-üzə gələn iki ölkə dünyada qütbləşmənin yeni dövrünü yaradır. Ötən gün keçirilən Birləşmiş Millətlər Təşkilatının (BMT) sammiti və Rusiyanın paytaxtı Moskvada Cümə məscidinin açılışı bunu bir daha sübüt edir.
Rusiya öz ətrafına ABŞ-ın və Qərb ölkələrinin siyasətindən narazı olan müsəlman dövlətlərini yığdığı halda, ABŞ-isə Rusiyanın siyasətinə və güclənməsinə qarşı çıxan digər dövlətləri toplayır. Bu isə bir zamanlar Sovet İttifaqı və ABŞ arasında uzun illər davam edən "Soyuq müharibə" dövrünü xatırladır. O dövürdə də ABŞ-ın maraqları Sovet İttifaqının maraqları indi Rusiya ilə harada toqquşurdusa, indidə eyni regionlarda üz-üzədirlər. ABŞ-ın Suriyadakı təsirində narahat olan Rusiya ora silah göndərməklə yanaşı Ukraynda münaqişə ocaqları yaradır. Həmçinin ABŞ-ın etriazlarına baxmayaraq Şimali Koreya, İran, Kuba və ABŞ-ı razı salmayan rejimlərlə geniş iqtisadi əlaqələr qurur.
İndi isə bir-biri ilə bəhs edərək, Avropda dağıdıcı nüvə silahları yerləşdirmək niyyətlərini açıqlayırlar.
Qarabağın xəritəsi
İki ölkə arasında yaranan bu inadçi siyasət Azərbaycana da təsirsiz ötüşmür. Çünki Qarabağ münaqişəsi 20 ildən çoxdur ki, bu ölkələrin bir-biri ilə siyasi münaqişə yaşamaları səbəbində həll olunmamış qalır. Minsk qrupunun həmsədri olan ABŞ və Rusiya öz aralarında heç bir məsələni razılaşdıra bilmir. Amma Qarabağ probleminin həllinə səy göstərməyə çalışdıqlarını deyirlər. Hadisələr onların digər regionlarda olduğu kimi Qafqazda da üz-üzə gəldəklərini göstərir./anspress/
