Qərbin sanksiyalarına və neftin qiymətinin aşağı düşməsi nəticəsində gələn il Rusiya iqtisadiyyatı tənəzzülə uğrayacaq.
Məlumata görə, bu barədə Rusiya hökuməti xəbərdarlıq edib.
Rusiya İqtisadiyyat Nazirliyinin hesablamalarına görə, Rusiya iqtisadiyyatı 0,8 faiz daralacaq.
Qeyd edək ki, bundan əvvəl nazirlik hesablamışdı ki, 2015-ci ildə iqtisadiyyat 1,2 faiz inkişaf edəcək.
Rusiya neft sənayesindəki vergilərdən əldə etdiyi gəlirlərə çox arxalanır deyə qiymətlərdə hər hansı dəyişiklik iqtisadiyyatına böyük təsir göstərir.
Ailəvi təmiz gəlirlərin həmçinin 2,8 faizədək azalacağı proqnozlaşdırılır. Nazirliyin əvvəlki hesablamalarında bu gəlirlərin 0,4 faiz artacağı gözlənilirdi.
Rusiya iqtisadi proqnozundakı kəskin dəyişmə, hökumət tərəfindən iqtisadiyyatın tənəzzül edəcəyi barədə ilk etiraf olduğuna görə daha böyük əhəmiyyət kəsb edir.//ANS PRESS
