Türkiyə prezidenti Rəcəb Tayyib Ərdoğan yeni hökumətin formalaşdırılması ilə əlaqədar bəyanat səsləndirib.
ANS TV-nin məlumatına görə, o,azlıq təşkil edən hökumətin ölkədə problemlərin öhdəsindən gələ bilməyəcəyini etiraf edib. Ərdoğan qeyd edib ki, hökuməti formalaşdırmaq mümkün olmazsa, yeni bir seçki keçirilməlidir.
“Bu gün məclisdə təmsil olunan partiyalarımız imtahan ilə qarşı-qarşıyadır. Bu imtahanı uğurla başa vuranların qarşıdakı dönəmdə millətdən layiq olduqları mükafatı alacaqlarına inanıram. Bu prosesdə öz siyasi və şəxsi mənafeyini, ölkənin və millətin ehtiyaclardan üstün tutanlar da, şübhəsiz ki, millətimizdən lazımi qarşılığı alacaqlar”.
Qeyd edək ki, hakim partiya Ədalət və İnkişaf - AKP bir müddət əvvəl keçirilən parlament seçkilərində 41 faiz səslə qalib gəlmişdi. Lakin partiyanın topladığı səs, yeni hökumətin təkpartiyalı şəkildə formalaşdırılması üçün kifayət olmayıb. Belə olan halda isə, parlamentdə koalisiya hökuməti formalaşdırılmalıdır./anspress/
