Bu gün Döyülərək öldürülən jurnalist Rasim Əliyevin doğum günüdür.
Məlumata görə, 16 avqust 1984-cü ildə doğulan Rasim yaşasaydı bu gün 31 yaşını qeyd edəcəkdi.
Ailə üzvləri, yaxınları, dostları bir həftə əvvəl dünyasını dəyişmiş jurnalisti məzarı üstündə yad etdilər. Bəli, Rasimin 31-ci ad günü Mehdiabad qəbiristanlığında qeyd edildi...
Anası Rasimin məzarı üstündə
Avqustun 8-də "Qəbələ" klubunun futbolçusu Cavid Hüseynovun qohumları və dostları tərəfindən döyülən jurnalist Rasim Əliyev avqustun 9-da ölüb. Faktla bağlı cinayət işi açılıb. Cavid Hüseynov barədə təqsirləndirilən şəxs qismində 3 aylıq həbs qərarı verilib.
Atası Rasimin məzarı üstündə
Cavid Hüseynov jurnalistin döyülməsində birbaşa iştirak etməsə də, onun Elşən İsmayılov adlı futbolçu olan bibisi oğlu, Camal Məmmədov ad-soyadlı digər futbolçu Rasim Əliyevin döyülməsində ittiham olunurlar./anspress/
