Azərbaycan möhkəm dayaqlar üzərində qurulub.
ANS TV-nin məlumatına görə, açıqlamanı prezident İlham Əliyev, Heydər Əliyevin 92 illiyinə həsr olunmuş təntənəli mərasimdə edib.
Tədbirdə çıxış edən dövlət başçısı Heydər Əliyevin müstəqil Azərbaycanın quruculuğunda böyük rol oynadığını və onun apardığı siyasət nəticəsində ölkənin bu gün güclü dövlətə çevrildiyini bildirib:
“Bu gün müstəqil dövlətimiz özünü ən uğurlu bir dövrünü yaşayır. Çox əsrli Azərbaycan tarixində heç vaxt Azərbaycan indiki qədər güclü olmayıb. Bu gün Azərbaycanda aparılan islahatlar xalqımızın gələcək inkişafını təmin edir. Azərbaycan dövləti çox möhkəm dayaqlar üzərində qurulub. Milli-mənəvi dəyərlər, birinci şərtdir”.
Tədbirdə “Heydər Əliyev” mükafatının təqdimetmə mərasimi olub. Prezident İlham Əliyev mükafatı xalq rəssamı Tahir Salahova təqdim edib.
Azərbaycanın birinci xanımı Mehriban Əliyeva tanınmış incəsənət eksperti Erve Mikaelofa və xalq artisti Ağaxan Abdullayevə “Qızıl çinar” beynəlxalq mükafatlarını təqdim etdi.
Sonda mərasim təntənəli bədii hissə ilə davam etdirilib./anspress/
