Dövlət Sosial Müdafiə Fondunun sədri Elman Mehdiyev pensiyaların artımı ilə bağlı məsələnin təfərrüatlarını açıqlayıb.
Sədr ANS TV-nin şimal bürosuna eksklüziv açıqlamasında bildirib ki, pensiyalar bir qədər də artacaq və uşağa qulluğa görə verilən müavinətlərin də artırılması istiqamətində işlər gedir:
“Pensiyaların baza hissəsinin fevralın birindən artırılması ilə bağlı cənab prezidentin verdiyi sərəncamın icrasından irəli gələn vəzifələr Dövlət Sosial Müdafiə Fondu tərəfindən artıq yekunlaşmaq üzrədir. Fevral ayınını pensiyaları ödənilərkən vətəndaşlarımız bunu artımla birgə alacaqlar.
Buna paralel olaraq, pensiyaların sığorta hissəsinin indeksləşdirilməsilə bağlı ölkə başçısının tapşırığına uyğun olaraq müvafiq təkliflər hazırlanmaqdadır. Yəqin ki, yaxın dövrdə qəbul ediləcək qərarların icrası da avtomatlaşdırılmış rejimdə tərəfimizdən yerinə yetirilləcək. Eyni zamanda buna paralel olaraq uşağa qulluğa görə verilən müavinətlərin də artırılması üçün müəyyən təkliflər hazırlayırıq. Bu da əhəmiyyətli bir artımı ifadə edəcək”./anspress/
