Təhsil Nazirliyi Xocasəndə Azərbaycan Dövlət Pedaqoji Universiteti üçün müasir tipli kampusun tikilməsi məqsədi ilə hazırlıq işlərinə başlayıb. İşlər Azərbaycan Prezidenti İlham Əliyevin tapşırığı ilə start götürüb.
Bu barədə məlumatı bu gün təhsil naziri Mikayıl Cabbarov jurnalistlərə açıqlamasında bildirib.
Nazir artıq ərazinin master planının hazır olduğunu deyib. "Plana əsasən memarlar müxtəlif eskizlər təqdim edəcəklər. Bu təhsil ocağı gələcəyin müəllimlərini yetişdirən universitetdir. Bu səbəbdən ilk olaraq bu universitetdən başladıq”.
M.Cabbarov deyib ki, kolleclərin ali təhsil müəssisələrinin tərkibinə qatılması prosesindən də danışıb. O, qeyd edib ki, bu proses tədricən həyata keçiriləcək və yalnız bir neçə kollecə şamil ediləcək./anspress/
