Parisdə partlayışlar və atışma nəticəsində azı 26 nəfər ölüb.
APA-nın TASS agentliyinə istinadən verdiyi məlumata görə, bu barədə Paris polisinin prefekturasından bildiriblər.
Digər məlumata əsasən isə paytaxtın “Bataklan” konsert zalında naməlum şəxslər tərəfindən girov götürülənlər var.
***
01:39
Bakı-APA. Parisin “Stade de France” stadionu yaxınlığında bir neçə partlayış qeydə alınıb.
APA-nın TASS agentliyinə istinadən verdiyi məlumata görə, partlayışlar Fransa-Almaniya yoldaşlıq matçı zamanı baş verib.
BFM TV telekanalının xəbərinə görə, hadisə nəticəsində xəsarət alanlar var. Qeyd olunur ki, Fransa prezidenti Fransua Olland görüşü izləmək üçün stadionda olub. Hadisənin digər təfərrüatları barədə hələ ki, məlumat verilmir.
