Qazeta.info Bakı 2015 birinci Avropa Oyunları Təşkilat Komitəsinə istinadla bildirir ki, qadınların stolüstü tennis yarışının finalında qələbəni kimin qazanacağının önəmi yoxdur. İstənilən halda, qızıl medal hollandiyalı idmançının boynundan asılacaq. Çünki cümə günü Bakı İdman Zalında baş tutacaq final görüşündə Hollandiyanın iki idmançısı - Li Jie və Li Jiao göüşəcəklər. 

İlk yarım-final oyununda sağ çiynindən zədəli olan Eva Odorova (SVK) Avropanın ən yaxşı 5-ci tennisçisi sayılan Li Jieyə məğlub oldu.

Digər görüşdə isə Li Jiao qitənin ən yaxşı oyunçusu olan Hu Mələyə (TUR) 4-2 hesabı ilə qalib gəldi.

Nəticədə Jie komanda yoldaşı Li Jiao ilə saat 17:30-da qızıl uğrunda mübarizə aparacaq. 

Hu və Odorova isə 16:30-da bürünc medal uğrunda raketka yarışdıracaqlar.