ABŞ-n Nyu-York şəhərindəki avtovağzal ərazisində partlayış baş verib, yaralılar var.
"Report" xarici KİV-ə istinadən xəbər verir ki, bu barədə Nyu-York polisindən bildiriblər.
Partlayış Nyu-York şəhərinin Manhetten bölgəsindəki Port Autoriti avtovağzalında baş verib. Port Autoriti ABŞ-ın ən böyük avtovağzalıdır, o, ildə 65 milyondan çox insana xidmət edir.
Faktla bağlı bir şübhəli şəxs saxlanılıb. İlkin məlumatlara görə, bir neçə nəfər yaralanıb, lakin Nyu-York səlahiyyətliləri yalnız bir nəfərin xəsarət aldığını təsdiqləyib. ABŞ KİV-inin yazdığına görə, partlayışı törətməkdə şübhəli bilinən şəxs saxlanılıb, məhz elə o, xəsarət alıb. Başqa bir informasiyaya görə, partladılan əldəqayırma qurğu olub.
CNN-in məlumatına görə, şəhər polisi həmçinin Manhettenin avtobus terminalında 1-2 partlayıcı qurğu aşkar edib.
***17:09
Manhettendə baş verə biləcək partlayış səbəbiylə Nyu-Yorkda üç metro xətti evakuasiya edilib.
"Report" xarici KİV-ə istinadən xəbər verir ki, bu barədə Nyu-York polisindən bildirilib.
