NATO-nun 4 hərbi gəmisi bir neçə saat sonra Qara dənizdə olacaq.
Məlumata görə, bunu Rusiyanın Hərbi Dəniz Donanmasının Baş qərargahının nümayəndəsi bildirib.
Göndərilən gəmilər ABŞ-ın Hərbi Dəniz Qüvvələrinin kreyseri, həmçinin İtaliya, Kanada və Türkiyənin hərbi dəniz qüvvələrinin 3 freqatından ibarət olacaq.
"Hazırda ABŞ-ın Hərbi Dəniz Qüvvələrinin "Ticonderoga - Vicksburg" tipli kreyseri və Türkiyənin Hərbi Dəniz Qüvvələrinin "Turqut Rəis" freqatı Qara dənizdədir. Yaxın saatlarda onlara İtaliyanın "Aliseo" və Kanadanın "Frederiction" freqatı da qoşulacaq. Onlar indi Qara Dəniz boğazlarını keçirlər", - deyə mənbədən bildirilib.
O həmçinin qeyd edib ki, ABŞ və Türkiyə gəmiləri indi Türkiyə sahilində - Qara dənizin cənub-qərbindədirlər. "Onlar Qara dənizə bu gün səhər daxil olublar. Şimali Atlantik Alyansın belə bir tərkiblə Qara dənizdə olması Ukraynadakı hadisələrlə əlaqəli ola bilər".
Qeyd edək ki, Montre konvensiyasına əsasən Qara dəniz sahilində yerləşməyən ölkələrə məxsus hərbi gəmilər Qara dənizdə 21 gündən artıq qala bilməzlər./anspress/
