Türkiyənin xarici işlər naziri Mövlud Çavuşoğlu Ər-Riyadda Səudiyyə Ərəbistanının kral Salman bin Əbdüləziz Al Səudla görüşüb.
“Anadolu” agentliyinə istinadən verilən xəbərə görə, söhbət zamanı tərəflər Qətər ətrafında yaranmış vəziyyəti və digər regional məsələləri müzakirə ediblər.
Görüşdən əvvəl Türkiyə XİN rəhbəri bir sıra ərəb ölkələrinin Qətərlə diplomatik münasibətləri dayandırmasından təəssüfünü bildirərək tərəfləri dialoqa çağırıb.
Qeyd edək ki, iyunun 5-də Misir, Səudiyyə Ərəbistanı, Bəhreyn və BƏƏ rəsmi Dohanı terror qruplaşmalarını dəstəkləməkdə və Yaxın Şərqdə vəziyyəti gərginləşdirməkdə ittiham edərək, Qətərlə diplomatik münasibətləri dayandırdıqlarını bəyan ediblər. Sonradan daha bir neçə ölkə rəsmi Doha ilə diplomatik münasibətləri kəsib./apa/
