“Pobeda”, “Volga”,” Moskviç”, “Lada”, “Zaporojets” kimi ötən əsrin əfsanəvi avtomobillərinin nümayiş edildiyi festivalda demək olar ki Sovet İttifaqında istehsal edilmiş bütün avtomobilləri görmək mümkündü.
Şimal qonşumuz Rusiyanın paytaxtı Moskvada fəaliyətə başlayan retro avtomobillər festivalı hələ də Sovet İttifaqı xəyalı ilə yaşayan ruslar üçün əsil bir sürpriz olub.
ANS TV –nin məlumatına görə,Moskvanın Sokolniki əyləncə parkında bu il 4-cü dəfə keçirilən “Retrofest” retro avtomobillər festivalı paytaxt sakinlərinə yenidən sovet ittifaqı dönəmini yaşadıb. “Pobeda”, “Volga”,” Moskviç”, “Lada”, “Zaporojets” kimi ötən əsrin əfsanəvi avtomobillərinin nümayiş edildiyi festivalda demək olar ki Sovet İttifaqında istehsal edilmiş bütün avtomobilləri görmək mümkündü.
Havanın yağışlı olmasına baxmayaraq festivala büyük maraq göstərən vətəndaşlar sevimli avtomobilləri ilə bol bol şəkil çəkdirdilər. Retro avtomobillər arasında ikinci dünya müharibəsini yaşayanlar da az deyildi.
Retro avtomobilin sahibi Andrey Şişlyakovun sözlərinə görə 1939-cu ildə istehsal olunan GAZ M 1 avtomobili o vaxt ən yaxşı avtomobil sayılırdı. Bu avtomobillərin motorunun təmirədək 30 min km yol qət etməsi nəzərdə tutulmuşdu. Əlbətdəki bu müasir avtomobillərlə müqayisədə çox azdı. Amma bu avtomobillərin təmiri çox asandı və bunun sayəsində bütün müharibəni keçdilər.
Bəzi iş adamları isə vətəndaşların sovet avtomobillərinə artan marağından öz biznes fəaaliyətində istifadə etməyə çalışır.
İş adamı Fail Sinyokaev bildirir ki,”Əvvala bu avtomobillər insanlarımız tərəfindən çox yaxşı tanınır. Müasir avtomobillərdən toy mərasimlərində istifadə etmək artıq çox adi bir şeydir. Bu avtomobillər isə çox cazibədar görünüşə sahibdir. Müasir toylarda həm də fotosessiya olduğu üçün bu avtomobil yeni evlənənlər tərfindən daha çox rəğbətlə qarşılanır”.
Retrofest festivalı çərçivəsində avtomobillərdən başqa sovet ittifaqında istifadə edilən müxtəlif əşya və suvenirlər də vətəndaşlar tərəfindən böyük marağa səbəb olub./anspress/
