Bakı Metropoliteninin "28 May" metrostansiyasında intihar edən şəxsin kimliyi məlum olub.
Bakı Metropolitenin Mətbuat Xidmətinin rəhbəri Nəsimi Paşayev açıqlamasında həmin şəxsin 1985-ci il təvəllüdlü Mirzəyev Rüstəm Fəxrəddinoviç olduğunu bildirib. İntihar edən şəxs Rusiya vətəndaşı olub.
Metropoliten rəsmisi həmçinin hazırda sərnişinlərin metrodan sərbəst şəkildə istifadə etdiklərinin bildirib.
“Hadisədən sonra qatarların fəaliyyəti bir neçə müddət dayandırıldı. Ölən şəxsin meyiti relslərin üzərindən götürüldükdən sonra qatarların fəaliyyəti bərpa olunub. Hazırda sərnişinlərin istifadəsindədir".
Bədbəxt hadisə bu gün Bakı Metropoliteninin "28 May" metrostansiyasında baş verib. Hadisə şahidlərinin verdiyi məlumata görə, 30 yaşlı oğlan sevdiyi qızla mübahisə etdikdən sonra bu addımı atıb. Amma hadisənin baş verməsinin dəqiq səbəbləri araşdırılır./anspress/
