18 yaşlı gənc haker Şimali Koreyanın "Facebook"unu sındırıb. Məlumata görə, Şimali Koreyanın bir neçə gün bundan əvvəl istifadəyə verdiyi "Fecebook"a bənzər sosial şəbəkə şotlandiyalı gənc tərəfindən sındırılıb.
Andrey Makken adlı hakker çox qısa müddətə admin və "password"ü təxmin edərək asanlıqla saytı ələ keçirib.
Sosial şəbəkələrə giriş məsələsində olduqca ciddi tədbirlərin görüldüyü Şimali Koreyada bir neçə gün bundan əvvəl dizaynı Facebook-a bənzəyən yeni sosial şəbəkə – “Startcon” yaradılıb.
Sosial şəbəkənin nəinki rəngləri, hətta axtarış sistemləri və dostlar lentinin formalaşdırılması prisnipi də Facebook-a bənzədilib.
“Adətən Şimali Koreya saytları Çin domenlərində yerləşir, lakin bu sosial şəbəkə ölkə daxili domendədir”, – deyə internetin analizi üzrə mərkəzin direktoru Maq Meydori bildirib.
Hələlik sosial şəbəkədə nə qədər istifadəçinin qeydiyyatdan keçdiyi bilinmir. Sosial şəbəkənin əsas səhifəsində Şimali Koreya lideri Kim Çen Inın şəklinin olduğu vurğulanıb./anspress/
