Bu gün Fransada keçirilən ikinci tur prezident seçkilərində Emmanuel Makron liderlik edir.
APA-nın məlumatına görə, bu barədə RTBF telekanalı xəbər verib.
Məlumata əsasən, səslərin 62-65 faizini toplayan “En Marche” (Yürüş) Hərakatının lideri "Milli Cəbhə"nin lideri Marin Le Peni üstələyir.
Seçkilərin nəticələri ilə bağlı rəsmi məlumat yerli vaxtla saat 20:00-dən sonra açıqlanmağa başlayacaq.
Qeyd edək ki, 39 yaşlı E. Makron seçiləcəyi halda Fransanın ən gənc prezidenti olacaq.
*****
Bu gün Fransada prezident seçkilərinin ikinci turu keçiriləcək.
Məlumata görə, Fransada prezident seçkilərinin birinci turu aprelin 23-də baş tutub.
Səsvermənin nəticələrinə görə ikinci tura 24,01% səs toplayan “İrəli” hərəkatının təsisçisi Emmanuel Makron və 21,3% səs toplayan “Milli Cəbhə” partiyasının lideri Marin Le Pen keçib./apa/
