Virciniya ştatında iki jurnalisti öldürən cinayətkar "ABC news" redaksiyasına göndərdiyi məktubda əməlinin motivlərini açıqlayıb.
Məlumata görə, ABŞ-ın Virciniya ştatında WDBJ7 telekanalının iki jurnalistinin qətlində şübhəli bilinən 41 yaşlı Vester Li Flenaqan ABC News redaksiyasına əməlinin motivlərini açıqladığı məktub göndərib.
Virciniya ştatında jurnalistləri öldürən cinayətkar
Cinayətkar ölən şəxslərin sabiq həmkarları olub. O, WDBJ7 kanalında işləyərkən həmişə “Brays Uilyams” təxəllüsündən istifadə edib.
Telekanal bildirib ki, jurnalistlərin güllələnməsindən sonra redaksiyaya gələn faks da elə həmin təxəllüsdən yazılıb.
Hadisənin canlı görüntüsü (+18)
Məktubda Flenaqan bildirib ki, onun əməli Çarlstonda qaradərililər üçün kilsədə qətlin cavabı idi. İyun ayının 17-də 21 yaşlı ağdərili Dilann Ruf məbədə girərək atəş açıb. Nəticədə altı qadın və üç kişi həlak olub. Şahidlərin sözlərinə görə, atəş açan şəxs : “Mən bunu etməliyəm. Siz bizim qadınları zorlayır, ölkəmizi əlimizdən alırsınız. Siz ölməlisiniz”, - deyib.
Bundan başqa, məktubun müəllifi 2007-ci ilin aprelində Virciniya texniki institutunda 32 tələbəni güllələyən cənubi koreyalı tələbə Ço Sın Xi və 1999-cu ildə “Kolumbayn” məktəbində 13 nəfəri öldürən yeniyetmələr ilə qürur duyduğunu ifadə edib.
Flenaqan eləcə də irqi diskriminasiyadan, seksual zorakılıqdan, işdə bezdirmələrdən, qaradərili kişilərin və ağdərili qadınların hücumlarından şikayətlənib. Onun sözlərinə görə, o, gey və qaradərili olduğu üçün hamı onu işdə ələ salıb.
“Bir müddət mən partlamağa hazır barıt çəlləyi kimi idim”, - ABC News faksdan sitat gətirib, telekanal məktubu hüquq-mühafizə orqanlarına təqdim edib.
Ölən jurnalistlər
Qətlə yetirilən həmkarları ilə Flenaqanın öz haqq-hesabı var idi. Qətldən sonra qatilin yazdığı Twitter statuslarında 24 yaşlı Elison Parkerin “irqçi şərhlərlə çıxış etdiyini”, şübhəli şəxsin bircə dəfə əməkdaşlıq etdiyi Adam Uordun isə ondan kadrlar şöbəsinə şikayət etdiyini yazıb.
Daha öncə Flenaqanın karyerasının son illərdə uğursuz olduğu bildirilib. Əsasən, Floridanın WTWC telekanalından işdən azad edildikdən sonra o, irqi əsasda təhqir olunduğuna dair iddia irəli sürüb.
Cinayət çərşənbə günü səhər törədilib. Atıcı CBS telekanalının yerli filialı WDBJ7-nin 24 yaşlı qadın jurnalisti və 27 yaşlı videooperatorunu canlı yayım zamanı qətlə yetirib. Aparıcının müsahibə aldığı qadın isə yaralanıb.
Hadisədən sonrakı görüntülər
Bir müddət sonra Flenaqanın polis təqibindən sonra özünə atəş açdığı bildirilib. Jurnalist ağır vəziyyətdə xəstəxanaya çatdırılsa da, lakin xəstəxanada dünyasını dəyişib.
Ölən jurnalistlərin xatirəsinə WDBJ7 kanal əməkdaşlarının yazısı./anspress/
