Qazeta.info Bakı 2015 birinci Avropa Oyunları Təşkilat Komitəsinə istinadla bildirir ki,  Fransalı qılınoynadan İvan Trevejo idmana beynəlxalq səviyyədə qayıdışını rəsmiləşdirərək Bakı 2015 Avropa Oyunlarında kişilər arasında fərdi şpaqa yarışlarında qalib gələrək həyatın yenidən başlaya biləcəyini sübut edib.

Atlanta 1996 Olimpiya Oyunlarında Kubaya gümüş medal qazandıran, lakin 2002-ci ildə ölkəni tərk etdikdən sonra təxminən 10 il ərzində yarışlarda iştirak edə bilməyən 43 yaşlı fransız, rusiyalı Sergey Xodosu 3 raundlu görüşün ikinci raundunda 15-8 hesabı ilə məğlub edərək finala yüksəlib.

Treyevo 20 yaşında Atlantada ilk dəfə beynəlxalq səviyyədə çıxış edərkən Xodosun cəmi 10 yaşı var idi. Lakin Fransa vətəndaşlığını qəbul etdikdən sonra 2011-ci ilə qədər beynəlxalq səviyyəli yarışlara qayıtmayan daha yaşlı qılıncoynadan yarışların çətin mübarizə şəraitində keçən günündə digər bütün rəqibləri kimi fiziki cəhətdən buna hazır olub.

Daha önəmlisi o, sübut edib ki, 20 və 30 yaşlarında olduğu kimi 40 yaşında da qılıncoynatma görüşlərində qələbələr qazana bilər.

"Düşünürəm ki, mənim təcrübəm öz sözünü dedi," - deyə o bildirib və belə əlavə edib:

Hiss edirdim ki, oyun mənim üçün yaxşı başlayıb və mənim taktikam öz işini görür. Bu, Fransa Qılıncoynatma Federasiyasının və bütöv komandanın mənə verdiyi dəstək üçün böyük mükafatdır. Mümkün olduğu qədər ən yüksək səviyyədə yarışmağa cəhd göstərdim. Gələn il keçiriləcək Rio Olimpiya Oyunlarında iştirak etmək istəyirəm. Sonrasına baxarıq.-İvan Trevejo

Həmçinin Sidney 2000 Olimpiya Oyunlarının komanda yarışlarında bürünc medal qazanmış Trejevo yarımfinalda həmyerlisi Daniel Jerent üzərində 15-10 hesabı ilə qalib gələrə finala vəsiqə qazanıb. Onun həmyerlisi isə norveçli Bartoş Piaseçki ilə birlikdə bürünc medala sahib çıxıb.

London 2012 Olimpiya Oyunlarında gümüş medal qazandıqdan sonra məşqlərə daha az vaxt ayırmalı olan və nəticədə dünya reytinqinin 216-cı pilləsinə düşən Piaseçki Xodosa 15-12 qalib gələrək ilk dördlüyə düşə bilib.