İran prezidenti Həsən Ruhani yanvarın 27-də Parisə iki gün davam edəcək səfərə yola düşəcək. “RİA Novosti”yə istinadən verilən xəbərə görə, Həsən Ruhani Fransanın paytaxtına İtaliyadan yola düşəcək. Qeyd edək ki, İtaliyaya səfəri zamanı İran prezidenti italiyalı həmkarı və bu ölkənin baş naziri ilə görüşüb, habelə, Vatikanda Roma papası Fransiskin qəbulunda olub. Səfər çərçivəsində neft borusunun tikintisi layihəsi daxil olmaqla 15-17 mlrd avro dəyərində bir neçə ticarət müqavilələri imzalanıb.
Ruhaninin Fransaya səfəri 2015-ci ilin noyabrın 16-18-nə planlaşdırılmışdı, lakin noyabrın 13-də Parisdə törədilən silsilə terror aktları səbəbindən təxirə salınıb.
Həsən Ruhaninin Fransaya səfəri çərçivəsində də Tehran üçün əhəmiyyətli bir sıra sazişlərin imzalanacağı gözlənilir./apa/
