İqtisadi və Sosial İnnovasiyalar İnstitunun rəhbəri, Milli Məclisin deputatı Əli Məsimli manatın ikinci devalvasiyası barədə açıqlama verib.
Məlumata görə, o, ölkə mətbuatına deyib ki, əgər Mərkəzi Bank bu il fevralın 21-də baş verən devaliasiyadan keçən bu ay yarım ərzində manatın dollara nisbətdə hazırkı məzənnəsinin nisbi sabitliyini təmin etməkdən ötrü 1 milyard dollar vəsait sərf edibsə, bu, artıq çox ciddi siqnaldır.
Onun sözlərinə görə, həmin xərcləri azaltmaqdan ötrü yumşaq devalvasiya gözləniləndir: "Yox, neftin qiyməti indikindən də aşağı səviyyəyə enməyə başlasa, məsələn, 40 dollardan da aşağı ensə, digər tərəfdən isə kobud səhvlərə yol verilib süni ajiotaj yaradılsa, valyuta mübadiləsində spekulyativ proseslər özünü göstərsə, onda bir müddətdən sonra devalvasiyanın yumşaq variantını ardınca onun ikinci dalğası da qaçılmaz ola bilər."/anspress/
