Bakıda Əfqanıstan İslam Respublikasının Prezidenti Məhəmməd Əşrəf Qaninin rəsmi qarşılanma mərasimi olub. Azərbaycan prezidenti əfqan həmkarını qarşılayıb.
Hər iki ölkənin dövlət bayraqlarının dalğalandığı meydanda Prezident Məhəmməd Əşrəf Qaninin şərəfinə fəxri qarovul dəstəsi düzülüb.
Fəxri qarovul dəstəsinin rəisi hər iki prezidentə raport verib.
Daha sonra iki ölkənin dövlət himnləri səslənib. İlham Əliyev və Prezident Məhəmməd Əşrəf Qani fəxri qarovul dəstəsinin qarşısından keçiblər.
Saat 11:00
Bu gün Əfqanıstan İslam Respublikasının Prezidentinin Azərbaycana səfəri başlayıb. Məhəmməd Əşrəf Qani artıq Bakıdadır.
Hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülüb.
Əfqanıstan Prezidenti Məhəmməd Əşrəf Qanini aeroportda Azərbaycan Respublikasının Baş nazirinin birinci müavini Yaqub Eyyubov və digər rəsmi şəxslər qarşıladılar.
Məhəmməd Əşrəf Qaninin Bakıda bir sıra rəsmi şəxslərlə görüşlər keçirəcəyi gözlənilir./anspress/
