Səudiyyə Ərəbistanının Məkkə şəhərində həcc ziyarəti zamanı 753 nəfərin ölümünə, 887 nəfərin xəsarət almasına səbəb olan hadisə ilə əlaqədar hökumətə qarşı təzyiqlər artıb.
İran baş vermiş hadisəyə görə Səudiyyə Ərəbistanı rəhbərliyini ittiham edib. Xarici işlər nazirinin müavini Hüseyn Amir Abdullahyan bildirib ki, hökumət baş vermiş hadisəyə görə məsuliyyəti öz üzərinə götürməlidir.
Hazırda faktla bağlı genişmiqyaslı istintaq araşdırması başladılıb.
“Zəvvarların təhlükəsizliyinin qorumağa hazırıq. Hazırda faktla bağlı istintaq gedir. Hadisənin əsl səbəbini öyrənmədən heç bir planda dəyişiklik edə və ya qərar qəbul edə bilmərik. Səbəbləri müəyyən etdikdən sonra hadisənin bir daha baş verməməsi üçün əlimizdən gələni edəcəyik” - deyə Səudiyyə Ərəbistanının daxili işlər naziri Mənsur əl-Turki bildirib.
Səudiyyə Ərəbistanının daxili işlər naziri Mənsur əl-Turki
Mina dağı ətrafında baş vermiş hadisə zamanı insanların ölümünə səbəb iki müxtəlif qrupun bir qovşaqda toqquşması olub.
Ərəb mətbuatı isə Mina dağında yaranan faciə ilə bağlı şok məlumat açıqlayıb. Sən demə 753 zəvvarın ölməsinə 887-nin xəsarət almasına səbəb kral Salmanın oğlu olub. İddiaya görə, Məhəmməd bin Salmanın korteji keçdiyi üçün zəvvarların yolu bağlanıb və zəvvarlar da əks yolla hərəkət etməyə məcbur olublar. Elə bu zaman sıxlıq yaranıb və faciə baş verib.
Ölənlər arasında azı 18 nəfər türkün də olduğu ehtimal edilir./anspress/
