Ermənistanda yüksək vəzifəli hərbiçi qətlə yetirilib
19.09.2015 555 0
Ermənistanın Tavuş vilayətinin Berd rayonunun hərbi komissarı Derenik Papyan güllələnib.
APA-nın “news.am”a istinadən verdiyi məlumata görə, hadisə ötən gecə Movses kəndində baş verib.
Ermənistan polisinə xəstəxanaya Berd rayonunun hərbi komissarı, 49 yaşlı Derenik Papyanın meyitinin daxil olması barədə məlumat verilib.
Hadisə yerinə gedən əməliyyatçı qrup müəyyənləşdirib ki, axşam saatlarında hərbi komissarla 41 yaşlı Artur M. arasında mübahisə baş verib və o, 16 mm kalibrli ov silahı ilə D.Papyanı güllələyib. Nəticədə hərbi komissar ölüb. Qətli törədən şəxs polis tərəfindən saxlanılıb, cinayətin törədildiyi silah götürülüb.
Faktla bağlı məhkəmə-tibbi ekspertizası təyin edilib, istintaq aparılır.
Digər xəbərlər:
Bu gün xəbər əlavə olunmayıb.
Şərhlər