Stomatoloq olmadan diş daşlarını birdəfəlik necə təmizləmək olar? Bu sual əksər adamı narahat edir. bəli, bu gün xeyli sayda insan diş daşları problemi ilə qarşılaşır. Bu, xüsusən də stomatoloji klinikaların bahalı xidmətlərindən istifadə edə bilməyənləri daha çox maraqlandırır.
Bu problemi ucuz və səmərəli yolla həll edən resepti təqdim edirik.
Bunun üçün tam yetişməmiş qoz qabığının zoğları lazımdır. Onun tərkibindəki faydalı maddələr diş daşlarının strukturunu yüngülləşdirmək və onu aradan qaldırmaq kimi xüsusiyyətlərə malikdir.
İnqrediyentlər:
50 qram qoz qabığı
200 qram su
Hazırlanması:
Qoz qabığının yaşıl hissəsini yaxşıca yuyun. Qabığını bir stəkan soyuq suya əlavə edin və zəif odda qızdırın. Qaynamaya qədər gözləyin, sonra 15 dəqiqə yenidən zəif odda, suyun rəngi tündləşənə qədər gözləyin.
Beləliklə, hazır həlimi tətbiq etmək olar. Diş fırçasını isladıb 2-3 dəqiqə dişlərinizi silin. Bu proseduru 2 ay ərzində gündə 2 dəfə təkrar etmək lazımdır. Qoz qabığının cavan zoğlarından hazırlanan həlim həm də ağız boşluğu xəstəlikləri üçün əla profilaktikadır./publika.az/
