"Dağlıq Qarabağ münaqişəsi ilə bağlı danışıqları intensivləşdirməyin vaxtı çatıb. Bunu deməyə əsas var." Məlumata görə, bunu Rusiyanın Xarici İşlər Naziri Sergey Lavrov Azərbaycanın xarici işlər naziri Elmar Məmmədyarovla görüşündə deyib.
Rusiyalı nazir bildirib ki, ümumi əhval-ruhiyyəni və gedişatı nəzərə alaraq demək olar ki, "danışıqlarda irəliləyiş əldə etmək olar". Elmar Məmmədyarov isə qeyd edib ki, uzun danışıqlardan sonra İranın nüvə proqramı sahəsində danışıqların yekunlaşması Dağlıq Qarabağ proleminin həll edilməsinə ümid yaradır. "Danışıqlar münaqişənin nizamlanmasında sıçrayış əldə edilməsi üçün yoluna düşür", - deyə Elmar Məmmədyarov əlavə edib.
Xatırladaq ki, iyul ayının 17-də Elmar Məmmədyarov Rusiyaya işgüzar səfər edib. /anspress/
Elmar Məmmədyarov və Sergey Lavrov
