Çində Zika virusuna yoluxma halı aşkar edilib
12.05.2017 625 0
Çin hökuməti Szyansu əyalətində Zika virusuna yoluxma halı aşkar edib.
RİA "Novosti"yə istinadən xəbər verilir ki, bu barədə Səhiyyə və Planlı Doğum İşləri üzrə Dövlət Komitəsinə istinadən "Sinxua" agentliyi məlumat yayıb.
Xəstəliyə aprelin 28-də Ekvadordan qayıdan 28 yaşlı Nantun şəhər sakini yoluxub. Qızın sözlərinə görə, yolda onun temperaturu yüksəlib, bədənində səpgilər, oynaqlarında ağrılar və digər əlamətlər əmələ gəlib. Xəstənin sözlərinə görə, Ekvadorda onu ağcaqanadlar sancıb.
Mayın 4-də Zika virusunun yoxlanması məqsədi ilə götürülən analizlər müsbət nəticə verib, mayın 8-də isə həkimlər diaqnozu təsdiqləyiblər.
Zika virusu dünyanın 60 ölkəsində qeydə alınıb./Report/
Digər xəbərlər:
Bu gün xəbər əlavə olunmayıb.
Şərhlər