Bütün dünyanın səbirsizliklə gözlədiyi böyük bayram baş tutdu. Məlumata görə, Bakı Olimpiya Stadionuna toplaşmış 68 min tamaşaçı, eləcə də dünyada yüz milyonlarla televiziya tamaşaçısı unudulmaz tarixi anın şahidi oldular.
Azərbaycanın paytaxtında keçirilən ilk Avropa Oyunlarının Açılış mərasimi öz möhtəşəmliyi ilə dünyanı valeh etdi. Etiraf edirəm, o mənzərələri sözlərlə ifadə etməkdə acizəm, amma bacardığım qədər, sözün, kəlmələrin mənə imkan verdiyi qədər o möhtəşəm görüntüləri çatdırmağa çalışacam.
Burada dünyanın aparıcı bədii, yaradıcı və texniki heyətlərinin iştirakı ilə ərsəyə gələn kreativ şou nümayiş olundu. Stadion ən mürəkkəb tərtibata malik möhtəşəm səhnə mexanizmindən ibarət məkana çevrilmişdi. O, təbiətin dörd ünsüründən - su, od, torpaq və yel obrazlarından istifadə etməklə heyrətamiz bir mənzərə yaratdı.
Mərkəzdə quraşdırılmış səhnə gah alovlara bürünürdü, gah yaşıllığa boyanırdı. Saniyə-saniyə dəyişən səhnəni izləyərkən insan özünü sanki möcüzəli bir dünyaya düşdüyünü zənn edirdi. Hətta bəzən tamaşaçının gördüklərimizdən şoka düşdüyü anlar olurdu.
Əminliklə və fəxarətlə deyə bilərik ki, dünya hələ belə şou görməmişdi. Bakı Olimpiya Stadionuna toplaşan və bütün dünyada mərasimi efirdən izləyən tamaşaçılar bu möhtəşəm şounun sehrinə düşmüşdü.
Aparıcılar Murad Dadaşov və Hüsniyyə Məhərrəmovanın idarə etdiyi tədbir 2 dildə - azərbaycan və ingilis dilində rəsmi salamlama ilə başladı. Belə bir tarixi hadisəni canlı izləyən on minlərlə tamaşaçı bu salamlaşmanın coşğu ilə qarşıladı.
Mərasim Alim Qasımovun əsrarəngiz ifası ilə başladı. 50 nağaranın ritmik sədaları altında Azərbaycanın dövlət müstəqilliyinin bərpasının 24 illiyini göstərən 24-dən sıfıra geriyə sayıma bütün zal qoşuldu.
Səhnə 1000 nəfərə yaxən rəqqasənin axını və bunun ardınca möhtəşəm görüntülər ortaya çıxdı. Rəqqasələr müxtəlif rəngli ətəkləri Azərbaycanın dunyada məşhur xalılarının naxışlarını yaradırdılar. Sonda isə 1000 rəqqasə ətəkləri ilə 3 rəngli Azərbaycan bayrağını yaratdılar. Bu sözsüz ki, bu aylarla məşqin nəticəsi idi.
Hələ heç kimin şahidi olmadığı qeyri-adi şou mərasimi Avropa Oyunlarının sonuncu məşəldarı paralimpiyaçı İlham Zəkiyevin məşəli stadiona gətirməsi ilə başladı. Zəkiyev məşəli Olimpiya Stadionunun mərkəzində qurulmuş dekorasiyanın düz ortasında torpağın altına ötürdü. Bu Odlar yurdu Azərbaycanın torpaqları altındakı təbii sərvətimiz qara qızıla işarə idi.
Stadiondakı böyük tərəzinin bir gözündə qadın, digər gözündə kişinin yer 5 alması isə Azərbaycanda qadın-kişi bərabərliyinin mövcud olmasına işarə idi.
Bundan sonra təqdim olunan möhtəşəm Nizami kompozisiyası sanki nağıllar aləminə bir səyahət idi. Oyunların simvolu olan Nar mərkəzə gətirilib. Narın içindən bərəkət rəmzi olan nar dənələri (şarlar) uçuruldu.
Birinci Avropa Oyunlarında iştirak edəcək ölkələrin nümayəndələrinin əllərində bayraq meydana gəlişi stadionu daha da coşdurdu. Qonaqpərvər xalq olduğumuzu burada da göstərdik; heç bir təlimat almadan, kimsənin göstərişi olmadan qonaqları sevgi dolu coşğu ilə qarşlladıq. Düzdür, ermənilərin gəlişinə sevinmədik, amma digər bütün ölkələrin gəlişinin bizim üçün bayram olduğunu öz reaksiyamızla göstərdik.
Türkiyə idmançıları meydana daxil olarkən isə başqa bir coşğu yarandı. Ayağa qalxıb "Türkiyə" qışqıran tamaşaçılar böyük Türk övladının böyüklüyünü göstərirdi. Olimpiya Stadionunda sanki Ulu Türkü salamlayırdı...
Azərbaycan idmançılarının gəlişi başqa bir abu-hava yaratdı. Fəxrdən, qürurdan ürəyi dağa dönən azərbaycanlı tamaşaçılar oğullarımızı sevgiylə salamladı.
Açılışda Ledi Qaqanın çıxış hər kəs üçün sürpriz oldu.
Avropa Olimpiya Komitəsinin prezidenti Patrik Hikki salamlama çıxışında dəfələrlə azərbaycan dilində "Çox sağ ol" deməsi çox şeydən xəbər verirdi. Avropa Azərbaycana təşəkkür edirdi!
Balabanla "Sarı gəlin"in ifası isə xüsusi məna daşıyırdı. Xarici telekanalların şərhçiləri mahnının Azərbaycan musiqisinin nümunıəsi olmasını deməsi çox şeydən xəbər verirdi.
Təntənəli mərasim Natiq Ritm Qrupunun performansının ardınca “Yallı” və atəşfəşanlıqla başa çatıb.
“Baku-2015”in açılış mərasiminin tam videosunu təqdim edirik: /anspress/
