Azərbaycan Beynəlxalq Bankına yeni rəhbər təyin olunub.
Qazeta.info bildirir ki, bu barədə Beynəlxalq Bankdan məlumat yayılıb. Məlumata görə, "PaşaBank"ın İdarə Heyətinin sədri Fərid Axundov Beynəlxalq Banka sədr gətirilib.
Məlumat üçün bildirək ki, Fərid Axundov 23 may 1971-ci ildə anadan olub.
Ali təhsilini 1987-1992-ci illərdə Azərbaycan Xalq Təsərrüfatı İnstitutunun "Sənayenin planlaşdırılması" fakultəsində alıb.1993-cu ildə Nottinqem Trent Universitetinin (Bakı) Menecment kurslarını bitirib.1995-ci ildə Britaniyanın Mançester şəhərində yerləşən Salford Universitetinin "Biznesin administrasiyası" fakultəsini bitirib.
03.1996-10.2003-cü illərdə Yaxın Şərq Britaniya Bankında Maliyyə nəzarəti şöbəsinin meneceri, Müştəri xidmətləri şöbəsinin meneceri, Baş icraçı direktorun müavini vəzifələrində çalışıb.
10.2003-06.2005-ci illərdə QSC "Bank Standard" KB-nın İdarə Heyətinin Sədri vəzifəsində əmək fəaliyyətini davam etdirmişdir.
07.2005-03.2007-ci illərdə "F.T.F" MMC-nin Direktoru vəzifəsində çalışıb.
30.06.2007-ci il tarixdən isə Paşa Bank ASC-nin İdarə Heyətinin Sədri vəzifəsində çalışır.
Əldə olunan digər məlumatlara görə, "Unibank"ın icraçı direktoru Cəlal Qasımov isə "PaşaBank"ın İdarə Heyətinin sədri təyin edilib. O həmçinin Təhsil naziri Mikayıl Cabbarovun xalası oğludur./Qafqazinfo.az/
