“BakuBus” Bakıda yeni avtobuş marşurutu açır. Məlumata görə, bunu Bakı Nəqliyyat Agentliyinin ictimai əlaqələr şöbəsinin müdiri Nuridə Allahyarova bildirib. Onun sözlərinə görə, yeni xəttdən əlavə daha iki - 2, 14 saylı marşrut xətlərinin hərəkət trayektoriyası uzadılacaq.
Qurum rəsmisinin sözlərinə görə, bu dəyişiklik metronun yeni istifadəyə verilən "Avtovağzal" stansiyasının açılışı ilə bağlıdır. May ayının 12-dən fəaliyyətə başlayacaq xətt metro stansiyası ətrafındakı sərnişin sıxlığını nəzərə alaraq sərnişinlərin rahat hərəkətini təmin etmək məqsədi daşıyır.
İlkin mərhələdə 13 nömrəli marşrut xətti üzrə mayın 12 və 13-də sınaq rejimində 8 ədəd avtobus xidmət göstərəcək. Mayın 15-dən isə marşrut xətləri tam rejimdə fəaliyyət göstərəcək.
2 və 14 nömrəli marşrut xəttinin Cəfər Cabbarlı Kinostudiyası, Moskva prospekti, Biləcəri dairəsi və Bakı Beynəlxalq Avtovağzal Kompleksi istiqamətində hərəkət trayektoriyası uzadılıb.
Məlumat üçün bildirək ki, Bakı Nəqliyyat Agentliyi gələcəkdə də sərişinlərin rahat və təhlükəsiz hərəkətini təmin etmək məqsədilə optimallaşdırma işlərini davam etdirəcək./anspress/
