Fövqəladə Hallar Nazirliyinin mətbuat xidmətindən bildirdilər ki, artıq nazirliyin əməkdaşları həmin ərazidə olub və ayı balasını götürüblər.
“Həmin ayı balası nazirliyin Kinoloji Xidmət mərkəzinə aparılacaq.Daha sonra ayının haradan, necə gəlməsi araşdırılandan sonra müvafiq tədbirlər görüləcək”./ Publika.az/
*****
Zığ qəsəbəsi, Hövsan yolunun üstündə yerləşən "BakuBus"ın avtomobil parkı yaxınlığında ayı peyda olub. Məlumata görə, ayının həmin ərazidə peyda olması oradan keçən vətəndaşların təəccüb və təşvişinə səbəb olub.
Ayının haradan gəlməsi məlum deyil. Hadisə ilə bağlı Fövqəladə Hallar Nazirliyinə məlumat verilib. Şahidlərdən birinin sözlərinə görə, ayıya yaxın durmaq olmur.
"Hamımız gözləyirik ki, Fövqəladə Hallar Nazirliyinin (FHN) əməkdaşları gəlsin, ayıya iynə vursunlar və ya başqa hansısa yolla onu ərazidən uzaqlaşdırsınlar. Nə piyadalar, nə də maşınlar həmin istiqamətdə hərəkət edə bilmirlər. Ayının birdən peyda olması, hamını qorxudub", - deyə hazırda hadisə yerində olanlardan biri bildirdi.
"BakuBus" və Fövqəladə Hallar Nazirliyindən məlumatı təsdiqlədilər. Onun bala ayı olduğunu qeyd etdilər. FHN-dən bildirdilər ki, əməkdaşları hazırda hadisə yerindədirlər. Ayını zərərsizləşdirmək üçün işlər aparılıb.
Ərazidən götürülən heyvan aidiyyatı üzrə təhvil verilib./anspress/
