Paytaxtda intihar baş verib. Hadisə Nəsimi rayonu ərazisində qeydə alınıb.
Baş Prokurorluğun mətbuat xidmətindən verilən məlumata görə, Kazımovski küçəsində qeydə alınan hadisə zamanı 1986-cı il təvəllüdlü Nigar Fazil qızı Mustafayeva yaşadığı mənzildə özünü asıb.
Onun meyitini ailə üzvləri aşkarlayaraq hüquq-mühafizə orqanlarına məlumat veriblər.
Hadisənin hansı səbəbdən baş verdiyi hələlik məlum deyil.
Canına qəsd edən 29 yaşlı qadın ailəli olub.
Faktla bağlı Cinayət Məcəlləsinin 125-ci (Özünü öldürmə həddinə çatdırma) maddəsi ilə cinayət işi açılıb, araşdırma aparılır.
Bundan əvvəl də paytaxtda intihar hadisəsi baş vermişdi. Səbail rayonu Salyan yolu keçəsi ev 2, mənzil 60 B ünvanında yaşayan 1974-cü il təvəllüdlü Dilşad Abbas qızı Babayeva əri ilə mübahisə etdikdən sonra özünü asmışdı./anspress/
