Bakıda avtobus sürücüsünü bıçaqladılar
04.02.2017 982 0
Bakıda marşrut avtobusunun sürücüsü dayanacaqda bıçaqlanıb.
Qazeta.info "Report"un xəbərinə əsasən bildirir ki, hadisə Sabunçu rayonunda baş verib.
Belə ki, 1988-ci il təvəllüdlü Məmmədov Ruslan Əhməd oğlu rayonun Ramana qəsəbəsi, Südçülük Sovxozu kimi tanınan ərazidə olan dayanacaqda naməlum şəxslə mübahisə edib. Mübahisə daha sonra davaya çevrilib və R.Məmmədov 2 bıçaq zərbəsi alıb. Çoxlu qan itirən R.Məmmədov dərhal xəstəxanaya yerləşdirilib. Həkimlər onun vəziyyətini orta-ağır kimi qiymətləndirir.
Faktla bağlı Sabunçu Rayon Polis İdarəsində araşdırmalara başlanılıb.
Qeyd edək ki, R.Məmmədov 163 nömrəli marşrut avtobusunun sürücüsüdür.
Digər xəbərlər:
Bu gün xəbər əlavə olunmayıb.
Şərhlər