Bakıda Aeroport yolunda baş verən zəncirvari qəzada 21 nəfər xəsarət alıb.
Suraxanı Rayon Polis İdarəsindən APA-ya verilən məlumata görə, Aeroport yolunda "Daewoo" markalı 160 saylı marşrut avtobusla 90 EJ 930 dövlət nömrə nişanlı "Toyota Prado", 99 EE 706 dövlət nömrə nişanlı "Chevrolet", “VAZ 2109” və daha bir neçə maşın toqquşub.
Nəticədə bir neçə nəfər xəsarət alıb.
Hazırda polis əməkdaşları hadisə yerində araşdırma aparırlar.
Qazeta.info xəbər verir ki, Səhiyyə Nazirliyinin mətbuat xidmətinin əməkdaşı Səfayə Əhmədova APA-ya bildirib ki, Bakıda Aeroport yolunda baş verən zəncirvari qəzada 21 nəfər xəsarət alıb.Xəsarət alanlardan 14 nəfər artıq evə buraxılıb.
Onun sözlərinə görə, hazırda 7 nəfər xəstəxanadadır. S. Əhmədova onu da əlavə edib ki, xəsarət alanların həyatına təhlükə yoxdur.
