Bakıda 46 yaşlı qadın banka hücum edib
31.01.2017 950 0
Bakıda 46 yaşlı qadın bank filialının şüşələrini sındırıb.
Daxili İşlər Nazirliyinə istinadən verilən məlumata görə, Bakıxanov qəsəbəsində yerləşən banklardan birinin filialından polisə “həyəcan” siqnalı daxil olub. Dərhal hadisə yerinə gələn Sabunçu Rayon Mühafizə İdarəsinin əməkdaşları, bankın giriş qapısının şüşəsinin sındırıldığını aşkar ediblər.
Əməkdaşlar obyektin qarşısında olan Suraxanı rayon sakini, 1971-ci il təvəllüdlü Qarayeva Flora Fərhad qızını əlində daş parçası ilə saxlayaraq ərazi üzrə 13-cü Polis Bölməsinə təhvil veriblər.
Faktla bağlı Sabunçu RPİ-nin 13-cü PB-də araşdırma aparılır./azvision.az/
Digər xəbərlər:
Bu gün xəbər əlavə olunmayıb.
Şərhlər