Azərbaycan Türkiyənin üç ən iri qaz ixracatçısından biri olaraq qalır
20.02.2017 743 0
Türkiyə ötən ilin dekabr ayında 5 mlrd. 574 mln. kubmetr qaz idxal edib ki, bu da 2015-ci ilin sonuncu ayı ilə müqayisədə 4,37% çoxdur.
Məlumata görə, 2015-ci ilin dekabr ayında qonşu ölkə 5 mlrd. 341 mln. kubmetr qaz idxal edib.
İdxalatın 4 mlrd. 278 mln. kubmetri boru xətləri ilə, 1 mlrd. 296 mln. kubmetri isə LNG formasında olub.
Dekabr ayında Türkiyəyə ən çox Rusiya qaz ixrac edib. Belə ki, şimal qonşumuz qardaş ölkəyə 2 mlrd. 820 mln. kubmetr "mavi yanacaq" satıb. İkinci yerdə 872 mln. kubmetrlik göstərici ilə İran olduğu halda, Azərbaycan 594 mln. kubmetrlə üçüncü yerdə qərarlaşıb.
Yeri gəlmişkən, dekabrda Türkiyədə təbii qaz istehlakı 1,75% artaraq 5 mlrd. 376 mln. kubmetrə çatıb./apa/
Digər xəbərlər:
Bu gün xəbər əlavə olunmayıb.
Şərhlər