Dünya bazarında neftin qiyməti fərqli istiqamətdə dəyişib.
"APA" xəbər verir ki, Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 1 barelə görə 0,01 dollar artaraq 47,06 dollar təşkil edib.
ICE London qitələrarası birjasında Brent markalı neftin 1 barelinin dəyəri isə 0,08 dollar azalaraq 48,61 dollar olub.
Qeyd edək ki, ötən gün OPEC-in iclasında razılığın əldə olunması ilə bağlı xəbərlər yayılandan sonra neft 5-6% bahalaşıb. Bəzi ekspertlər sonradan neftin cüzi ucuzlaşmasını bazar iştirakçılarının hasilatın səviyyəsi ilə bağlı razılığının rəsmi təsdiqini gözləməsi ilə izah edir.
Azərbaycan nefti bahalaşıb.
Məlumata görə, "AzeriLight" markalı neftin 1 barelinin qiyməti 0,43 dollar və ya 0,93% artaraq 46,89 dollar təşkil edib./apa/
