Son iki ildə bu sürücü yol hərəkəti qaydalaırnı pozduğuna görə 8 dəfə saxlanılıb
Xəbər verdiyimiz kimi, Ukraynanın Xarkov şəhərində bir sürücü avtomobili insanların üzərinə sürüb. Məlumata görə, hadisə nəticəsində 6 nəfər dünyasını dəyişib, 5 nəfər yaralanıb. Hadisə şəhərin "Sumskaya" küçəsində baş verib.
Ukraynanın Daxili İşlər Nazirliyinin idarə heyətinin üzvü, Ukrayna Ali Radasının deputatı Anton Qeraşenko öz "Facebook" sözügedən avtomobil qəzasının videogörüntüsünü paylaşıb. Videogörüntüdə vətəndaşların piyada zolağında dayanıb, yolu keçmək üçün fürsət gözlədiyi görüntülənib. Bu an yüksək sürətlə idarə edilən avtomobil onlara çırpılır və divara dəyəndən sonra aşır.
"Son iki ildə bu sürücü yol hərəkəti qaydalaırnı pozduğuna görə, 8 dəfə Xarkov polisi tərəfindən saxlanılıb. Bu qayda pozuntuları arasında qırmızı işıq və parketmə qaydalarını pozma da yer alır. Hər dəfə ona 255-510 qrivni (15-30 manat — red.) cərimə edilib. Ancaq göründüyü kimi, bu cərimələrdən heç bir nəticə çıxarmayıb" — millət vəkili öz səhifəsində belə yazıb.
Qeyd edək ki, avtomobilin sürücüsü, 1997-ci il təvəllüdlü qadındır. O saxlanılıb./Sputnik/
