ABŞ Konqresinin Nümayəndələr Palatası Rusiyanın təcavüzünə qarşı 4,3 milyard dolların ayrılmasını dəstəkləyib.
Reuters agentliyinə istinadən verilən xəbərə görə, Palatanın bu gün qəbul etdiyi qərar müdafiə üzrə qanun layihəsinə daxil edilib.
Adıçəkilən təşəbbüslə fevral ayında prezident Obama çıxış edib. Xərclər siyasi, iqtisadi, ictimai diplomatiyaya və hərbi dəstəyə, o cümlədən NATO-ya üzv ölkələr, eləcə də Avropa, Avrasiya və Mərkəzi Asiyada ABŞ-a tərəfdaş ölkələrə qarşı Rusiyanın mümkün təcavüzünün qarşısını almağa yönəlib.
Qanun layihəsi Konqresin hər iki Palatasında razılaşdırıldıqdan sonra imzalanmaq üçün prezident Obamaya göndəriləcək.
Bundan başqa, ABŞ Nümayəndələr Palatası Rusiya ilə əməkdaşlığı məhdudlaşdıran müdafiə büdcəsini qəbul edib./apa/
