ABŞ Donbasda Ukraynanı dəstəklədiyi kimi, Qarabağ savaşında Azərbaycanı dəstəkləməlidir.
Məlumata görə, bu barədə “The Washington Times” qəzetində yazılmış “Ukraynaya kömək edən ABŞ Azərbaycanı niyə dəstəklımir?" başlıqlı məqalədə bildirilir.
Müəllif Mayan Caf (Maayan Caffe) bildirir ki, dünyada “sülhün açarı” ərazi bütövlüyü prinsipidir və ABŞ doğru olaraq bunun üçün Ukraynanı dəstəkləyir. Vaşinqton buna görən Rusiyaya qarşı sanksiyalar tətbiq edir və öz avropalı müttəfiqlərinə də təzyiq göstərərək sanksiyaları genişləndirir.
“Bəs niyə, Amerika bütün bunları Qafqazdakı müttəfiqi Azərbaycan üçün etmir? Uğurlu və dayanıqlı Amerika xarici siyasəti üçün lazım olan ardıcıllıq hardadır?” - deyə müəllif sual verir.
“The Washington Times” Ermənistanla Azərbacyan arasında Dağlıq Qarabağ uğrunda gedən müharibənin tarixçəsinə də toxunur: “Dağlıq Qarabağ və ətrafındakı rayonlar tarixən Azərbaycana məxsus olub aə beynəlxalq ictimaiyyət tərəfindən Azərğbaycanın ərazisi kimi tanınıb. Buna baxmayaraq, 1992-ci ildən bu yana iyirmi ildir ki, Ermənistanın işğalı altındadır. Onda qanlı və dəhşətli müharibə nəticəsində Ermənistan Azərbaycan ərazisinin 20 faizini işğal elədi və Cənubi Qafqaz regionu bu uzun sürən münaqişə ilə üz-üzə qaldı”,- deyə müəllif vurğulayır./anspress/
