ABŞ-da güclü qar nəticəsində 10 nəfər ölüb
23.01.2016 488 0
ABŞ-da güclü qar nəticəsində ölənlərin sayı 10 nəfərə çatıb.
TASS agentliyinə istinadən verilən məlumata görə, qar çovğunu ölkənin şərq regionlarında tüğyan edir.
Qeyri-sabit hava şəraiti ilə əlaqədar Şimali və Cənubi Karolina, Kentukki və Qərbi Virciniya ştatlarında 70 minədək insan elektrik enerjisiz qalıb.
“Conas” adlı qar çovğunu bir neçə ştatın yollarında çoxsaylı yol qəzalarına səbəb olub. Yol-nəqliyyat hadisələri nəticəsində 10 nəfərin öldüyü bildirilir.
Pis hava şəraiti ilə əlaqədar Virciniya, Merilend, Pensilvaniya, Corciya, Kentukki ştatlarında və paytaxt Vaşinqtonda fövqəladə vəziyyət elan edilib. /apa/
Digər xəbərlər:
Bu gün xəbər əlavə olunmayıb.
Şərhlər