Ermənistanda içərisində hərbçilərin olduğu avtomobil qəzaya uğrayıb.Ermənistan mətbuatına istinadən verilən məlumata görə, İrəvan-Mehri yolunda "Opel" markalı avtomobil dərəyə yuvarlanıb. Baş verən yol qəzası nəticəsində Ermənistan ordusunda müqavilə əsasında xidmət edən 3 hərbçi ölüb, ikisi yaralanıb.
Hadisə nəticəsində ölən hərbçilərin adları da açıqlanıb. Bunlar Karen Karapetyan, Vaan Qukasyan və Ruslan Arutuyunyandır.
Ölkənin Fövqəladə Hallar Nazirliyinin məlumatına görə, avtomobil yolun hərəkət hissəsinin kənarına çıxıb və təxminən 250 metr məsafədən dərəyə yuvarlanıb. Yaralıların müalicəsi xəstəxanada davam etdirilir.
Erməni hərbçilərin qəzası barədə son dəfə ötən ilin sentyabrında məlumat verilmişdi. O zaman erməni hərbçilərinin idarə etdiyi “Mercedes” markalı avtomobil yolun hərəkət hissəsindən çıxaraq ağaca dəyib. Nəticədə üç nəfər dünyasını dəyişib./anspress/
